मन मारूनच ना .?..

मन मारूनच ना .?..

रोज करतेय साजश्रृंगार
मनात असंख्य विचारांचा भार
एकेका गिऱ्हाईकांची वाट पहात
वर्ष लोटलीत फार ॥

अश्रृ दडवून पापण्यांच्या काजळात
लपवून लज्जेला काळजात
रोज देहाची होतेय बोली
सोडविण्यासाठी मिळेना कोणी वाली ॥

वखवखलेल्या नजरांचा मारा
समाजात मिळेना थारा
अंधारात होतेय विटंबना
जिवनाची चाललीय कुचंबना ॥

तिलाही वाटते मिळावा आधार
उजेडात मात्र प्रतिष्ठीतांचा नकार
मन मारूनच ना … ?
करतेय रोज साजशृंगार ॥

पोटापाण्यासाठी अब्रूचा मांडला बाजार
भारतमातेच्या कुशीत
माताच का बनली लाचार ?
मनाला पडला गहण विचार ॥

सरला टाले
राळेगाव यवतमाळ
=======

0 4 8 2 9 3