0
4
8
2
9
7
डागडुजी
नात्यागोत्यांचा इमारतीची
डागडुजी ही करावी लागते
सांत्वनाचा मृदू मलम लावून
खोल जखम भरावी लागते… //
हितशत्रूंच्या उंदीर घूशींची
वाट वेळीच रोखावी लागते
यांनी पाडलेली छिद्रे शोधून
त्यात पाचर ठोकावी लागते… //
गैरसमजाच्या जळमटांची
जाळी काढून फेकावी लागते
संशय कल्लोळाची विषवल्ली
जागच्या जागी ठेचावी लागते… //
स्वार्थ, असूया, मतभेदांच्या
झरोक्यांना मिटवावे लागते
येथे मनभेदांना वाव देणार्या
तडा, भेगांना बुजवावे लागते… //
सामोपचाराच्या झाडू पोचाने
साफ सफाई ठेवावी लागते
वाद विवाद अन् कुरघोडीच्या
कचर्याची वाट लावावी लागते… //
विष्णू संकपाळ बजाजनगर
जि.छ. संभाजीनगर
=======
0
4
8
2
9
7
