0
4
8
2
8
6
शेवटचा दिवस
दिनदर्शिकेत थांबला आज
जणूकाय एक हळवा श्वास
इंग्रजी वर्षाचा शेवटचा दिवस
अनुभवरूपी पुन्हा भेटण्यास…!!१!!
या वर्षभरातील अनेक दृश्य
सर सर सर धावतच आली
भावना खोल दाबून बिचारी
कर्तव्याने होती बाजी मारली…!!२!!
कळीचे नारद दिसले रक्तात
घेतला कोणी आनंद हिरावून
संयम विवेक शस्त्र वापरूनच
कटकारस्थान दिले भिरकावून…!!३!!
आपल्यातली परकी आणि
परक्यातील आपली खास
हे काही नवीन नाही बरं का
सांगतो आपल्याला इतिहास…!!४!!
शेवटचा दिवस जणू दर्पण
क्षणातच दाखवी वर्ष सारे
नाही सोडत सोबत आपली
करण्यास पूर्ण स्वप्न अधुरे…!!५!!
राजश्री मिसाळ ढाकणे
ता. जि.बीड
0
4
8
2
8
6
