0
4
8
2
9
3
उंदराची टोपी
उंदीरमामा गेले फिरायला
मुंबईच्या मोठ्या बाजारात
उंच इमारती पाहत पाहत
गाणी होते गुणगुणत
बाजारात दिसला गोपी
त्याच्याकडे होती टोपी
उंदीरमामाने दिली अत्तराची कुप्पी
लाडाने घेतली त्याने पप्पी
उंदीरमामाला हवी टोपी
युक्ती सुचली त्याला सोपी
म्हणाला चल रे गोपी
खेळू आपण लपाछपी
गोपी पळाला जोराने
टोपी उडाली हवेत
पकडण्यासाठी उंदीरमामाने
उडी मारली जोरात
टोपी पडली डोक्यावर
उंदीर पडला खोक्यावर
पाय पडला बोक्यावर
बोक्या गेला झोक्यावर
मीनाक्षी काटकर
दारव्हा यवतमाळ
0
4
8
2
9
3
