0
5
9
6
9
7
प्रतिभावंत
निखळ स्पर्धा म्हणजेच
जणू आत्म्याचा आवाज
आतल्या कला गुणांचा
व्हावा बाहेरून आगाज.. //
स्पर्धेच्या अग्निदिव्यातून
जे निघे तावून सुलाखून
तेच ठरतेय अस्सल सोने
जे घ्यावे पारखून निरखून.. //
जिंकणाऱ्याला जग म्हणे
हा होताच खूप भाग्यवंत
खरे तर तो विजेता ठरतो
येथे खराखुरा प्रतिभावंत… //
कुणी म्हणतात बलवत्तर
हस्तरेषा आणि ग्रहदशा
श्रेष्ठ ठरतो कर्म सिद्धांत
जो देतो जीवनास दिशा.. //
नको तकलादू कुबड्या
नको शिफारसी बेगड्या
खर्या प्रतिभावंतासमोर
यशच घालते पायघड्या.. //
विष्णू संकपाळ
बजाजनगर छ. संभाजीनगर
0
5
9
6
9
7
