चला गाऊन तर बघू या..!

चला गाऊन तर बघू या..!

कोळी गीत
वादल वारं सुटलं गो…!!!

वादलवारं सुटलं गो
वाऱ्यानं तुफान उठलं गो
भिरभिर वाऱ्यात पावसाच्या माऱ्यात
सजनानं होडीला पान्यात लोटलं
वादलवारं सुटलं गो !

गडगड ढगांत बिजली करी
फडफड शिडात धडधड उरी
एकली मी आज घरी बाय
संगतीला माझ्या कुनी नाय
सळसळ माडांत खोपीच्या कुडात
जागनाऱ्या डोल्यांत सपान मिटलं
वादलवारं सुटलं गो !

सरसर चालली होडीची नाळ
दूरवर उठली फेसाची माळ
कमरेत जरा वाकुनिया
पान्यामंदी जालं फेकुनिया
नाखवा माजा दर्याचा राजा
लाखाचं धन यानं जाल्यात लुटलं
वादलवारं सुटलं गो !

संकलन: पल्लवी पाटील, नागपूर
गीतकार : शांता शेळके
गायक : लता मंगेशकर
संगीतकार : पं. हृदयनाथ मंगेशकर

0 4 8 2 9 3