दुष्काळात दिवाळी

दुष्काळात दिवाळी

“दुष्काळाने धरतीची ओटी झाली रिकामी,”
शेतकऱ्याच्या डोळ्यांत दाटली चिंता भारी,”
“पाण्यासाठी भटकत फिरती माणसे सारी,
कशी साजरी करावी दिवाळी यंदा न्यारी?”

“शेतामधली पिके सारी करपून गेली,
हिरवीगार स्वप्ने मातीमध्ये विरली,”
“बैलजोडी उभी राहिली आस लावुनी,
शेतकऱ्याची दिवाळी गेली अश्रू ढाळुनी.”

“घराघरांत अंधाराचे सावट पसरले,
आनंदाचे क्षण सारे दूर सरले,”
“लेकरांचे चेहरे उदास झाले,
दिवाळीचे सुख कुठेतरी हरवले.”

“सावकाराचे देणे डोक्यावर झाले,
कष्टाचे मोल सारे मातीत गेले,”
“आभाळाकडे डोळे लावून बसले,
पावसाच्या थेंबासाठी जीव आसुसले.”

“तरीही आशेचा दिवा मनात पेटवू,
एकमेकांच्या दुःखात हातभार लावू,”
“गरजवंतांच्या चेहऱ्यावर हास्य फुलवू,
माणुसकीच्या प्रकाशात दिवाळी साजरी करू.”

हणमंत गोरे
(एम ए, बी एड, डी एस एम )
ता :सांगोला, जि :सोलापूर
=======

0 6 3 9 4 6