प्रतिक्षेत मी; संग्राम कुमठेकर

प्रतिक्षेत मी

प्रतिक्षेत मी तुझ्या सखे
दिवसरात्र उगाच झुरतोय
प्रेमाची आहुती देण्या
भेटीची वाट सखे बघतोय

प्रतिक्षेत मी तुझ्या सखे
नभीचा चंद्र पाहत बसतो
सुहास्यवदनी रूप तुझे
आठवून गालात गं हसतो

प्रतिक्षेत मी तुझ्या सखे
उघडून बसलोय हृदयद्वार
आसुसलेल्या प्रेमांगणी
गळ्यात घालीन पुष्पहार

प्रतिक्षेत मी तुझ्या सखे
आनंदाला काडी लावली
अग्निपरीक्षा का देतेस ?
खुणावते ही स्नेहसावली

संग्राम कुमठेकर
ता.अहमदपूर जि.लातूर
=======

0 4 8 2 8 6