0
4
8
2
9
7
हुंकार
किंकाळी घुमली नभी
घातला क्रुरतेने घाला
वेदनेचा हुंकार तिचा
हवेतच विरुन गेला
लेक वाचवा लेक शिकवा
ब्रीद आज रडते आहे
दिवसागणिक कन्येची
हत्या या डोळ्यांनी पाहे
अब्रुचे तिच्या हे धिंडवडे
सहन करती मुर्दाड मने
संपली का माणसातील
माणुसकीची कवने
षंड येथली शासनकर्ती
कायदाही पळवाट शोधतो
मौनातल्या त्या हुंकाराचा
आवाज अंतर्धान पावतो
करु नका तिची अवहेलना
द्या तिला वागणूक सन्मानाची
सून समजू लेकीसारखी
लक्ष्मी ती दोन्ही घरची
श्री बळवंत शेषेराव डावकरे
जिल्हा नांदेड
0
4
8
2
9
7
