0
5
4
7
7
9
उभं राहा पुन्हा
पडणं हे नशिबात, पण उठणं तुझ्या हातात,
हार मानणं नाही कधी, ठेऊ नकोस मनात।
वादळं कितीही आली, तरी थांबू नकोस तू,
स्वप्नांच्या त्या दिशेने, चालत राहा तू।
रस्ता जरी कठीण, तरी पाऊल टाक पुढे,
अंधाराच्या पल्याडच उजेड असतो खरे।
घामाच्या त्या थेंबातून यश उमलतं हळू,
प्रयत्नांच्या जोरावरच नशीब वळतं बघू।
लोक काय म्हणतील हे मनातून काढून टाक,
स्वतःच्या हिंमतीवर ठेव नेहमीच विश्वास ठाम।
हरलास तरी काही नाही, शिकणं महत्वाचं,
प्रत्येक अपयशातूनच यशाचं दार उघडतं।
आज जरी थकलास तरी थांबू नकोस इथे,
उद्याचा तो सूर्य तुझ्यासाठीच उगवते।
जिद्द, मेहनत, धैर्य ठेव मनाच्या आत,
तूच घडवशील तुझं भविष्य तुझ्या हातात।
अंकुश सालपे
जिल्हा नागपूर
0
5
4
7
7
9
