0
4
8
2
9
7
झिजलेला देह
जळत होता सरणावर आज
माझा झिजलेला देह शांत…
बिलगून काळजास मात्र माझ्या
खुणावत होता लेकरांचा आकांत
शिकार करण्या भाकरीची
तुडवले पायी सारे रान …
गोबऱ्या पिलांसाठी माझ्या
कष्टलो विसरून देहभान
झाल्या वेदना असंख्य
पेटले होते तन..
पिल्लांकडे बघून
कठोर केले मन
शत्रू होते अनेक..
झेलत राहिलो प्रहार
घराची ढाल मी…
कसा मानणार हार?
कर्तव्यपूर्तीसाठी…
झिजलो जरी चंदनासम
सार्थक झाले जीवनाचे..
उरलो लेकरांच्या संस्कारात
हेची समाधान घेऊन उरात
जळतो आज दिमाखात..
चंदनाच्याच शामियानात…
तारका रुखमोडे
अर्जुनी जि. गोंदिया
=========
0
4
8
2
9
7
