0
4
8
2
9
7
तुझं गुलाबी हसणं
तुझं गुलाबी हसणं
पूनव रात भासणं
जणू सभोवताली
चांदण सडा शिंपणं… //
दास जाहलो तुझा
हे रूप तुझं पाहून
वाटे चकोर होऊन
हास्य घ्यावं पिऊन… //
जसं कळी उमलणं
तसं ओठांचं खुलणं
देठाच्या मानेवरती
ते डौलदार झुलणं… //
मधूर स्मित गंधावर
मन भ्रमराचं भुलणं
प्रित गित गुणगुण
बेहोश रूंजी घालणं.. //
वार्यावरती स्वार तू
दाही दिशास दरवळ
श्वासात भरून घेताच
दूर होई सारी मरगळ… //
विष्णू संकपाळ
बजाजनगर छ. संभाजीनगर
=========
0
4
8
2
9
7
