0
4
8
3
0
0
हुडहुडी
आला थंडीचा महिना
उजळे शेकोटीने आवार
तरारला भाजीपाला
हिरवे हिरवे ते शिवार ॥
गार वाऱ्याची झुळूक
पांघरून उबदार शॉल
सकाळची ती शाळा
अन् गोजीरवाणी ती बाल ॥
रंगीबेरंगी स्वेटर
घालून अंगी उबदार
होती दडून बसली
चिमुकली एक पोर ॥
फाटक्या गणवेशाला त्या
भरली होती हुडहुडी
सोनकिरणांनी पाहून तिला
मारली होती कुठे दडी ॥
त्या थरथरत्या देहाकडे
अलगत पाऊले वळली
मिळावी थोडी उब म्हणून
शॉल तिला पांघरली ॥
सरला टाले
राळेगाव यवतमाळ
=========
0
4
8
3
0
0
