0
4
8
3
0
1
वेळ
वेळे इतके किमती
अन्य कांहीच नसते
येथे जन्म मरणही
वेळे अधिन असते.. //
चक्र उदय अस्ताचे
कसे अचूक चालते
रात्र असो की दिवस
कोण सांगड घालते.. //
एकामागे एक ऋतु
येणे जाणे क्रमवार
नसे कधी मागे पुढे
कोण याचा सूत्रधार.. //
बीज रूजणे उगणे
होते कसे आयोजन
त्याचे फुलणे फळणे
कोण करी नियोजन.. //
जीव जंतू वनस्पती
पशूपक्षी लाख जाती
र्हास असो की उत्पती
ताळ मेळ कोणा हाती.. //
प्रश्न असले हजार
ज्याचे उत्तर एकच
सर्व तिच्या बंधनात
फक्त असे ती वेळच.. //
विष्णू संकपाळ बजाजनगर
छ. संभाजीनगर
0
4
8
3
0
1
