शततारका

शततारका

लक्ष्मण गेला वनवासी
भ्राता धर्म निभवायला..
पण खरा वनवास तर भोगतेय
राजवाड्यात ही उर्मिला..

विरहात तुझ्या आठवणींनी
उरी हुंदका दाटलाय
मनाच्या गाभा-यात
दूरवर काळोख भरलाय..

मखमली शय्येवरही
काटे मज टोचती
कासावीस तुज पहायला
भिरभिरते नयनज्योती..

शततारका ओंजळीत घेऊन
वाट पहातेय तुझी
चांदणसुख उधळण्या
आतुर अंजली माझी..

बरसतील शततारका
फुलेल सारी सृष्टी
तृप्त नयनातून माझ्या
होईल आनंदाची वृष्टी..

स्वाती मराडे-आटोळे
इंदापूर, पुणे

0 4 8 2 8 6