0
4
0
9
0
3
दुरावा
मैत्रीत येताना स्वार्थ
जन्माला येतो दुरावा,
मैत्री असावी निस्वार्थ
मिळतो आनंद नवा.
मैत्रीतून पैसे घेणे
हेतू असतो कुणाचा,
काढून घ्यायचे काम
उद्देश असतो त्यांचा.
मैत्रीने जवळ येता
जाता वासनेच्या दारी,
आरोप–प्रत्यारोपात
काढतात धिंड सारी.
दाम्पत्यात कधी तरी
दुरावा होत असतो,
पण आयुष्यात तोच
जरा प्रेम वाढवतो.
दुरावा हवा असतो
त्याने प्रेम बहरते,
दुराव्याविन जीवन
महत्त्व कधी नसते.
डॉ. बालाजी राजूरकर
हिंगणघाट जि. वर्धा
============
0
4
0
9
0
3
