आदर्श नागरी सहकारी पतसंस्थेची २३ वी शाखा पाली – सुधागड येथे प्रारंभ
तुषार थळे, प्रतिनिधी अलिबाग
बिनधास्त न्यूज नेटवर्क
अलिबाग (दि ०९ ): अलिबाग येथील आदर्श नागरी सहकारी पतसंस्थेची पाली-सुधागड येथील शाखा सुरू करण्यात आली आहे. आदर्श पतसंस्थेची ही २३ वी शाखा आहे. आदर्श नागरी सहकारी पतसंस्थेच्या पाली-सुधागड शाखेचे उद्घाटन मंगळवारी ( दि. ८ ) ग. बा. वडेर हायस्कूल उपाध्यक्ष श्री. रवींद्र लिमये , रायगड जिल्हा मध्यवर्ती बँकेचे व्हाईस चेअरमन सुरेश खैरे व संस्थेचे संस्थापक श्री सुरेश पाटील यांच्या शुभ हस्ते करण्यात आले.
आदर्श नागरी सहकारी पतसंस्थेचे संस्थापक सुरेश पाटील, पाली नगरपंचायतीचे नगराध्यक्ष पराग विजय मेहता , रायगड जिल्हा मध्यवर्ती बँकेचे व्हाईस चेअरमन सुरेश खैरे , ग. बा. वडेर हायस्कूल उपाध्यक्ष रवींद्र लिमये , पाली व्यापारी पतसंस्थेचे अध्यक्ष अशोक मेहता ,जनकल्याण पतसंस्था पालीचे अध्यक्ष चंद्रकांत (दादा) घोसाळकर, अष्टविनायक पतसंस्था नागोठणे अध्यक्ष विलास भाई चौलकर , श्री आलाप अशोक मेहता पाली व्यापारी असोसिएशन अध्यक्ष, प्रतिष्ठित व्यापारी इंदरशेठ परमार , जागा मालक अशोकशेठ ओसवाल , प्रतिष्ठित व्यापारी दीपकशेठ ओसवाल , प्रवीणशेठ कोठारी, राजेंद्र (भाऊ) गांधी, पाली मधील उद्योजक श्री. सूरज शेळके , आदर्श नागरी सहकारी पत संस्थेचे अध्यक्ष अभिजीत पाटील , संचालक विलाप सरतांडेल , संचालक भगवान वेटकोळी , संचालक संजय राऊत , आदर्श पतसंस्थेच्या मुख्य कार्यकारी अधिकारी सौ. मीनाक्षी पाटील हे यावेळी उपस्थित होते .
रायगड जिल्हा मध्यवर्ती सहकारी बँकेचे व्हाईस चेअरमन सुरेश खैरे , जनकल्याण पतसंस्थेचे अध्यक्ष चंद्र्कांत घोसाळकर , ग. बा. वडेर हायस्कूल उपाध्यक्ष व रवींद्र लिमये , पाली व्यापारी पतसंस्थेचे अध्यक्ष अशोक मेहता यांनी आपले मनोगत व्यक्त केले . यावेळी संस्थेचे अध्यक्ष श्री अभिजीत पाटील यांनी एकंदर संस्थेची वाटचाल , तसेच पाली येथे संस्थेची शाखा काढण्यामागची कारणे याबाबत आपले विचार व्यक्त केले व संपूर्ण पाली – सुधागड च्या नागरिकांना आदर्श पतसंस्थेच्या पाली शाखेला सहकार्य करण्याचे आवाहन केले.
