बहरणार मी संग्राम कुमठेकर ता.अहमदपूर जि.लातूर

बहरणार मी…!

थोपवून दुःख लाटांना आता बहरणार मी
संकटातून वाट काढून ध्येय ते गाठणार मी
नाही तमा हारण्याची जिंकण्या लढणार मी
शक्ती सारी एकवटून अनिष्टता गाढणार मी

खुळचट नि पुळचट विचारांना सोडणार मी
मनुवादी रे बंद कवाडे शब्दगदेनं तोडणार मी
ढोंगी,लबाड धर्मांधांनाच धारेवर धरणार मी
चक्र तेच परिवर्तनाचे रे गतिमान करणार मी

लोकशाहीच्या रक्षणार्थ मैदानी उतरणार मी
लढणाऱ्यांच्या वाटेवर फुले तरी अंथरणार मी
रडगाणे बंद करण्या शब्दपेरणी करणार मी
शब्दास्त्र डागून उरात धडकी भरविणार मी

फुले शाहू आंबेडकर विचारांचा अनुयायी मी
वास्तव मांडून गाढेन कल्पनांना अनाठायी मी
जिजाई,रमाई,सावित्री नि मुक्ता शोधतोय मी
द्वेष मत्सर सोडून प्रेमळ माणसं जोडतोय मी

द्वेष मत्सर सोडून प्रेमळ माणसं जोडतोय मी

संग्राम कुमठेकर
ता.अहमदपूर जि.लातूर
========

0 4 8 2 9 4