0
4
8
2
9
3
श्रावणधारा
श्रावण धारा अलबेली
वेड लावूनिया गेली
दिठी फुलूनिया आली
उमले एक एक पाकळी
लावण्याची तू गं खाण
नाही तुला जगाचे भान
पदी पैंजण झाले बेभान
खग विसरले गं तान
नादमयी तू पावन सरिता
कुंतल पाठीवरी रुळता
लडी मोत्यांच्या ओघळता
खळीदार हास्य फुलता
चमकते हे चांदण गोंदण
साज पाचूचे लाजे दर्पण
मोहमयी गे तुझे नर्तन
अवघी धरा दिली आंदण
शोभते ही सुवर्ण कांती
जशी गं वीज तळपती
आत्ममग्न तू सळसळती
उन्हे कोवळी तुला स्पर्शती
वृंदा(चित्रा)करमरकर
सांगली
=========
0
4
8
2
9
3
