आंदोलन

आंदोलन

लेखणीने बाबासाहेबांच्या
दिले हक्क आणि अधिकार
अन्यायाविरुद्ध लढण्याचा
करावा एकजुटीने प्रतिकार

का म्हणून हिरावून घ्यावे
स्वातंत्र्य जनता जनार्दनांचे
आंदोलन करुन तोडतील
जुलमी पाश गुलामगिरींचे

हे बंद मोर्चे संप नि हडताल
मुस्कटदाबी विरुद्धचा एल्गार
मागती जर सनदशीर मार्गाने
शासन दरबारी व्हावा विचार

लोकशाहीच्या वल्गना फुकाच्या
बेबंदशाहीने स्तोम माजवले
आंदोलनाच्या या माध्यमातून
भलेभलेही वठणीवरच आले

आंदोलन हा हक्क जरी आपला
जबाबदारीचेही भान असावे
अवलंबावा लोकशाही मार्ग
हिंसक वृत्तीचे वळण नसावे

बळवंत शेषेराव डावकरे
मुखेड जिल्हा नांदेड

0 4 8 2 9 3