गुज मनाचे

गुज मनाचे

जपले अजुनी हृदयकुपीत
असह्य दुःख अन् कष्ट तनाचे
व्यक्त न केल्या आर्त भावना
परि सांगू कुणाला गुज मनाचे

आब राखण्या आईबाबांची
ठेविले मनी भय जनाचे
प्रीत अबोल तशीच राहिली
परि खोलले ना गुज मनाचे

तुलाच भेटण्या अतृप्त नजरा
निमित्त बघते अजुनी सणाचे
खोट्या प्रतिष्ठेचे अंगी वलय
सांगू कुणाला मी गुज मनाचे

येता कधी नजरे समोर
मनी उठती हर्ष लहरी
कवेत घट्ट घेऊन तुजला
व्यक्त करावी प्रितबावरी

समाजास हे मान्य नसे रे
सोशीते,असह्य घाव घणाचे
बंध प्रितीचे घट्ट असुनी
सांगू न शकले गुज मनाचे

स्वप्नं साकार ना या जन्मात
पुढल्या तरी होईल का रे?
गुज मनाचे कळता तुजला
पूर्ण करशील का मनोरथ रे ?

प्रा.दिनकर झाडे
गडचांदूर, जि.चंद्रपूर

0 4 8 2 9 0