0
4
8
2
8
6
घरकुल
जिथे आपुलकीचा वास
असे प्रेमाचा सहवास
चार भिंतीच्या घरात
गुंफण रक्ताची ही खास
एकमेका देती साथ
असो भयाण आव्हान
पाठबळ एकदुजा
निस्तरती घमासान
एक दुजासाठी जगती
गाठ रेशीम नात्याची
नाही सुटणार कधी
आकर्षण नाते बंधाची
किलबिल पाखरांची
नित्य चाले श्रवणीय
सुख,हर्ष,समाधान
सा-या जगाहून प्रिय
येवो भयाण वादळ
करी सामना मिळून
एकोप्याचा आदर्श
राही कुटुंब जुळून
एकमेकांसाठी असे
अनुकुल प्रेमभाव
घरकुल हे सौख्याचे
तारी कुटुंबाची नाव
*श्रीमती सुलोचना लडवे*
*अमरावती*
*सदस्या,मराठीचे शिलेदार समूह*
0
4
8
2
8
6
