मी गणिताचा शिक्षक

मी गणिताचा शिक्षक

मी गणिताचा शिक्षक आहे,
संख्यांच्या दुनियेत रमणारा;
बेरीज-वजाबाकीतून जीवनाचा
हिशोब विद्यार्थ्यांना समजावणारा.
सूत्रे, प्रमेये, आकृत्यांमध्ये
तर्काचा दीप पेटवितो;
परंतु मराठीच्या गोड शब्दांनी
मनातला भावही जपतो.
फळ्यावर खडूने काढताना वर्तुळ,
मनात उमटते कवितेची ओळ;
गणित शिकविताना शिस्त देतो,
मराठी देत राहते भावनांची फुलझड.
संख्यांना जसा अर्थ असतो,
तसाच शब्दांनाही मान;
मी गणिताचा गुरु असलो,
तरी मराठी माझा अभिमान!
ज्ञान-विज्ञान शिकविताना
भाषेचा दीप विझू देणार नाही;
गणिताच्या प्रत्येक उदाहरणात
मराठीची गोडी कमी होऊ देणार नाही.

डॉ.ज्ञानेश्वर माशाळकर
ता उमरगा जिल्हा धाराशिव
======

0 5 1 6 5 1