पोशिंदा

पोशिंदा

पोशिंदा जो अवघ्या जगाचा
त्याचे गाऊया गुणगान
त्याची पुण्याई फार मोठी
देई सार्‍यांना जीवदान..

हाडाची काडे करतो तो
अन् करतो रक्ताचं पाणी
जीव लावून करतो
बहरलेल्या पिकाची उभारणी.

कधी पाऊस कर्दनकाळ
तर कधी कोरडा दुष्काळ
तरी मायेने प्रेमापोटी करतो
भरल्या शेतीचा सांभाळ..

शेतात पिकलेल्या धान्यास
मिळो योग्य बाजारभाव
नसे अन्य अपेक्षा काही
नसे कोणतीही हाव…

कष्टाचे त्याच्या चीज व्हावे
मुखी जगाच्या पडावे घास चार
सरकार दरबारी दखल घ्यावी
शेतकऱ्यांना मिळावा आधार..

पांडुरंग एकनाथ घोलप
रोहोकडी, जुन्नर, पुणे

0 5 3 4 0 0