सत्य तेच खरे

सत्य तेच खरे

सत्य तेच खरे माना,
जीवन जगा अतिसुंदर,
यशप्राप्ती नक्कीच होते,
प्रयत्न ठेवा सदा निरंतर ||१||

झाली चूक कबूल करा,
माफी मागा पाय धरा,
सत्य काय ते लपवल्यावर,
खोट्याचाच वाढेल भारा||२||

सत्य कधीच लपत नाही,
खोटे कधीच पचत नाही,
खोट्याच्या कपाळी गोटा,
चारित्र्याचा होईल तोटा||३||

सत्याचा प्रवास खडतर,
खोट्याची वाट सुखकर,
सत्य होईल सन्मानपात्र,
खोटे आहे भयाचा पुत्र||४||

सत्य तेच खरे मानून,
सत्याचीच कास धरा!
सत्याचाच वाटसरू
समाजात शोभतो खरा||५||

शारदा राहुल शिंदे
वाई,सातारा
=======

0 4 8 2 9 4