संतदर्शनाची अमृतभेट
डॉ ज्ञानेश्वर माशाळकर ता. उमरगा, जि. धाराशिव
संतदर्शनाची अमृतभेट
एकादशीचा पावन दिवस, पंढरी नगरी सजली ।
संध्याकाळी सहा वाजता, कृपेची वेळच उजाडली ॥१॥
चंद्रभागेच्या तीरावरती, विठ्ठलनामाचा गजर ।
सद्गुरू चंद्रशेखर महाराज भेटले, धन्य झाला हा नजर ॥२॥
हृदयातील गुरुबंधू हरी गुरुजी, सोबत होते प्रेमाने ।
संतसंगाची लाभली मेजवानी, विठ्ठल भेटला भाग्याने ॥३॥
बहु पुण्य केले जन्मोजन्मी, तेव्हा हा विठ्ठल भेटला ।
संतस्वरूपी सद्गुरूंचा, आज चरणस्पर्श लाभला ॥४॥
मस्तक झुकले चरणांपाशी, डोळ्यांत प्रेमाश्रू दाटले ।
संतदर्शनाच्या एका क्षणात, जन्माचे सार्थक वाटले ॥५॥
संतसंगती लाभली जेव्हा, अंतरी विठ्ठल जागा झाला ।
गुरुकृपेच्या पावन छायेत, जीव भक्तिरसात न्हाला ॥६॥
पंढरीची ही पुण्यभूमी, संतकृपेने धन्य झाली ।
हरी गुरुजींच्या सहवासाने, दर्शनाची ओढ पूर्ण झाली ॥७॥
नाही मागणे धन-दौलत, नाही जगाची आस ।
संतचरणी भक्ती लाभो, एवढाच अंतरी विश्वास ॥८॥
आजचा दिवस सुवर्णाक्षरी, हृदयामध्ये लिहिला गेला ।
सद्गुरूंच्या संतदर्शनाने, विठ्ठल माझा भेटून गेला ॥९॥
बहु पुण्य केले तेव्हा हा विठ्ठल भेटला,
संतदर्शनाचा अमृतक्षण जीवनाला लाभला ।
सद्गुरू कृपा, संतसंग आणि विठ्ठलनाम मिळाले,
माझे जन्मोजन्मीचे भाग्य आज फळाला आले ॥१०॥
भावसमर्पण
“संत भेटले पंढरीत, विठ्ठल भेटला अंतरी;
सद्गुरूंच्या कृपेने धन्य झाली, आजची एकादशी पवित्री.”
॥ विठ्ठल विठ्ठल जय हरी विठ्ठल ॥
॥ सद्गुरू चंद्रशेखर महाराज की जय ॥
॥ हरी गुरुजींच्या संतसंगाला मनःपूर्वक प्रणाम ॥
डॉ ज्ञानेश्वर माशाळकर
ता. उमरगा, जि. धाराशिव
============
