0
1
9
8
8
5
मी असेन तुझ्यासोबत
चालत जा तू पुढे पुढे
तुझ्या कर्तृत्वाच्या वाटेने
मी असेन तुझ्यासोबत
तुझ्या सावलीच्या रूपाने ||१||
हा मार्ग तुझा नसे एकला
मीच तुझा आहे सोबती
तुझ्या पाठीशी राहीन सदा
नको बाळगू तमा कोणती ||२||
ध्येयपथावर मिळावे सारे
जे जे आहे तुला अपेक्षित
समजू नकोस तू स्वतःस
कधीही अणुमात्र उपेक्षित ||३||
तू माझी सहधर्मचारीणी
मला आहे सार्थ अभिमान
तुझ्या कर्तृत्वाला मिळो सदा
झळा यशाची दैदीप्यमान ||४||
तुझ्या किर्तीचा सुगंध वारा
पसरेन दाही दिशा दूरवर
मी असेन तुझ्यासोबत
वचन हे माझे आहे निरंतर ||५||
पांडुरंग एकनाथ घोलप
ता.जुन्नर, जि.पुणे
=======
0
1
9
8
8
5
