0
4
8
2
9
0
सौदामिनी
नव्या युगाची आहे मी स्त्री
आत्मज्ञानी,स्वाभिमानी
येवो कितीही संकटे जरी
कडाडते मी सौदामिनी
स्वातंत्र्याची नवी पहाट
उजाडली नवकिरणांनी
अबला नसे मी सबला
शत्रुला मी पाजते पाणी
नजर वाकडी करणा-यांवर
करते कडाडून हल्ला
पुन्हा हिंमत होणार नाही
जाई माय बहिणीच्या शरणाला
चुकीला नाही माफी कदापि
इज्जत धुळीत मिळवीणा-यांना
सरळ सुळावर चढविण्यासाठी
शर्थ लढ्याची करेल हा बाणा
काबिज केले प्रत्येक क्षेत्र
कामगीरी तिची अभिमानाची
नव्या युगाची मी सौदामिनी
पूर्ती करते मी कर्तव्याची
सुलोचना लडवे
जि.अमरावती
0
4
8
2
9
0
