आयुष्यावर बोलू काही..

आयुष्यावर बोलू काही..

आज एकांती असताना
मनास काय झाले कळेना
आयुष्यावर बोलू काही
म्हणून, मज काही सुचेना..

किती ते आयुष्याचे पदर
कितीक आठवांचे सदर
चढ उतारांचा प्रवास कलंदर
किती बोलायचे एकंदर..

किती नाती, मित्रमंडळी
एकत्र मनात साठवली
प्रत्येक दिवसाची आठवण
मनात घर करून ठेवली..

किती चुकांचं ओझं वाहीलं
किती निर्णय बरोबर घेतले
कितीक जण सोडून गेले
सरतेशेवटी एकटेपण आले..

खरंच का आयुष्य सोपं असतं
जगायचं म्हणून जगायचं असतं
आयुष्यावर बोलू काही, म्हणताय
सगळ्यांनाच तसं जमत नसतं..

प्रज्ञा सवदत्ती
गोरेगाव-रायगड.
=============

0 4 8 3 0 0