आरोग्य व शिक्षणई-पेपरकविताचंद्रपूरसंपादकीयसाहित्यगंध
आईचं पत्र
प्रतिमा नंदेश्वर ता. मूल, जि.चंद्रपूर
0
5
4
7
2
3
आईचं पत्र
पोस्टमन काका दिसताच
धावतच त्याच्याकडे जायचे
आईचे पत्र आले का काका
कळकळीने मी विचारायचे
आईचे पत्र एक दिवस आले
मजकूर वाचण्यात मी रमले
जणू आईच उभी डोळ्यासमोर
भास आईचे मला होऊ लागले
वाचताना प्रत्येक शब्दात
आईचे वात्सल्य झळक असे
बाळ माझं कस असेल किती
काळजी त्या शब्दात असे
बालपणी तिच्या कुशीत
ना भय ना चिंता होती कसली
तिच्या सहवासात आनंद मिळे
उणीव भासत नव्हती कुठली
माझं गाव आणि घर सुटले
पण कायम होत्या आठवणी
सुगरण आईच्या हाताची चव
आठवता डोळ्यात येई पाणी
प्रतिमा नंदेश्वर
ता. मूल, जि.चंद्रपूर
0
5
4
7
2
3
