जुना आणि नवा जमाना

जुना आणि नवा जमाना

जुन्या जमान्यात स्वप्नं लहान होती,
पण त्या स्वप्नांना पंख होते,
अभावातही समाधान होतं,
आणि माणूस माणसाशी जवळ होता.
नव्या जमानीत साधनं अमाप झाली,
पण वेळ मात्र कमी पडतोय,
हातात सगळं असूनही आज
मन कुठेतरी हरवत चाललंय.
जुना जमाना शिकवत होता
कमीमध्ये जगायचं कसं,
पडून उठायचं धाडस कसं,
आणि हसत पुढे जायचं कसं.
नवा जमाना शिकवतोय
जलद जगा, पुढे धावा,
पण या धावपळीत
थांबून श्वास घ्यायलाच विसरू नका.
तेव्हा पुस्तकं कमी होती,
पण अनुभवांची शाळा मोठी होती,
आज माहिती अमर्याद आहे,
पण अनुभवांनाच वेळ नाही.

डॉ ज्ञानेश्वर माशाळकर
ता उमरगा जिल्हा धाराशिव

0 4 8 2 8 4