0
4
8
2
8
4
वेड्या मना
कसं समजावू मी तुला,
अरे माझ्या वेड्या मना?
शक्य नसलं मला तरी,
कसा पुरवू तुझा हट्ट—सांग ना?
कधी फिरतोस तू नभात,
आणतो म्हणतो चांद–तारे,
प्रियसीला रिझविण्यास,
थापा मारतोस कशा रे?
कधी तुझा आकार असा,
अंतराळात नसे सामावत,
कधी असतोस एवढा की,
सुईच्या टोकावरच बसत.
बहिणाबाईंना दिसलास,
ढोर बनुनी उभ्या पिकात,
मुजोरी करण्यात पटाईत—
अशीच आहे रे तुझी रीत.
आली सुंदरी एखादी,
मग कुणाचं ऐकत नाही,
नाही भेटली ती जर साधी,
तर झोपही लागू देत नाही.
डॉ. बालाजी राजूरकर
हिंगणघाट जि. वर्धा
========
0
4
8
2
8
4
