आरोग्य व शिक्षणई-पेपरकविताक्रिडा व मनोरंजननागपूरविदर्भसाहित्यगंध
अडत नाही
सुधाकर भुरके आर्य नगर नागपूर
0
4
8
2
8
4
अडत नाही
कुणाच्या असण्या नसण्याने,फरक काही पडत नाही…
येथे कुणाचेही कुणामुळे,मुळीच काही अडत नाही…धृ
कितीही असाल तालेवार,कितीही असाल दानशूर…
मेल्यावर रडतील थोडे,नंतर काही रडत नाही…१
येथे कुणाचेही कुणामुळे,मुळीच काही अडत नाही…
ज्यांच्यासाठी कमविले धन,उधळती ते रे क्षणोक्षण…
तुम्ही रंगविल्या स्वप्नांतले,काहीच काही घडत नाही…२
येथे कुणाचेही कुणामुळे,मुळीच काही अडत नाही…
माझे माझे करता करता,केली जीवाची राखरांगोळी…
ज्यांच्यासाठी राखून ठेवले,ते काही धडपडत नाही…३
येथे कुणाचेही कुणामुळे,मुळीच काही अडत नाही…
नको असावा गर्व धनाचा,धन असते क्षणभंगुर…
“सुधाकरा” मतलबी जगी,कुणाचे काही नडत नाही…४
येथे कुणाचेही कुणामुळे,मुळीच काही अडत नाही…
सुधाकर भुरके
आर्य नगर नागपूर
0
4
8
2
8
4
