आरोग्य व शिक्षणई-पेपरकविताविदर्भसाहित्यगंध
मामाचे गाव
0
4
8
2
9
3
मामाचे गाव
काय सांगू राव माझ्या मामाचा गाव
त्या गावात मिळतो मला भलताच भाव |
त्या गावात सगळे म्हणतात मला भावजी
कारण मी आहे त्या सगळ्यांचा दाजी |
मामा मामींच्या हाताला आहे स्वादिष्ट चव
सुट्टीत काय काय खाल्ले ते कसं सांगू राव |
सगळ्यांच्या घरचा फराळ खाऊन होतो मी सुस्त
दिवाळीच्या सुट्टीची मजाच असते भारी मस्त |
सारखाच आठवतो मला मामाचाच गाव
त्यांच्याच गावात राहिलो कायमचाच राव |
माझ्या मामाचा गाव आहे खूप मोठा
तिथे पैशाला कधीच पडला नाही तोटा |
त्यांच्याच आश्रयाने मांडला संसाराचा थाट
दिवाळीचा फराळ खाण्यासाठी लावू नका नाट |
पोपट सुखदेव मस्के
ता. पंढरपूर जि. सोलापूर
0
4
8
2
9
3
