बुधवारीय ‘काव्यरत्न’ स्पर्धेतील रचना
मुख्य संपादक:राहुल पाटील
*✏संकलन, बुधवारीय ‘काव्यरत्न’ स्पर्धा*
➖➖➖➖➿💞➿➖➖➖➖
*‼मराठीचे शिलेदार समूहातर्फे आयोजित ‘बुधवारीय काव्यरत्न’ कविता स्पर्धेतील सर्वोत्कृष्ट काव्यरचना*‼
➖➖➖➖➿💞➿➖➖➖➖
*🚩मराठीचे शिलेदार समूहाचा उपक्रम*
➖➖➖➖➿💞➿➖➖➖➖
*🎗🎗🎗सर्वोत्कृष्ट बारा🎗🎗🎗*
*🥀विषय : सखरपेरणी🥀*
*🍂बुधवार : २९/ जानेवारी /२०२५*🍂
➖➖➖➖🏆🏆🏆➖➖➖➖
*साखरपेरणी*
तुझ्या बोलण्यात साखरपेरणी
तुझ्या नजरेत अनोखे प्रेम
तुझ्या शब्दात आपलेपणा
जाणून घेतोस सदैव क्षेम…
ओथंबलेला शहाळ्याचा गोडवा
तुझ्या सोबतीत अखंड वाहतो
क्षण क्षण उधळतो आनंदी झोका
हा जीव सौख्य सागरात नाहतो..
शब्द नसे तरी मज अर्थ उमगतो
सख्या तुझ्या सानिध्याचे गाणे
मनाची भाषा मनाशी जुळवतो
ह्रदय कुपीतील मुक्त तराणे…
तुझ्या आठवांची साखर पेरणी
जीवन वाटेवर देते नित्य साथ
प्रत्येक श्वासात हळवा भाव
जणू भासे सख्या तू विश्वनाथ…
तुझ्या सावलीत उन्हाचे रूप
प्रत्येक क्षण तुझ्या मैत्रीची लय
विरहातला गोडवा नवस्वरूप
कळ्या उमलाव्या जशा सुखमय…
हे निखळ बंध निस्वार्थ वसा
जगतोस तू माझ्यात मी तुझ्यात हरते
या मैत्रीचा हा अनमोल ठसा
सून्या जगण्यात चैतन्य भरते…
*वर्षा मोटे पंडित*
*छत्रपती संभाजीनगर*
*©सदस्या,मराठीचे शिलेदार समूह*
♾️♾️♾️♾️✍️❣️✍️♾️♾️♾️♾️
*साखरपेरणी*
मुखातल्या प्रेमळ वाणीला,
असता अमृताचा गोडवा…
तेव्हा सुटती कासरगाठी,
पक्क्या बांधलेल्या कवा कवा…१
जुळावया मन आंतरिक,
लागतेय त्यागाची भावना…
सहज लाभावी मोहमाया,
जैसा बरसतोय श्रावणा…२
किती पेरले बीज सौख्याचे?,
मिळती फळ तयां मोलांचे…
वाणी,कृती समान असता,
मूल्य ठरती बोल बोलांचे…३
जमवून घेता गोतावळा,
प्रितीच्या मधुर शब्दांतूनी…
कधी कशाची उणीव नसे,
जपून ठेवल्या अंतर्मनी…४
मातापित्यांची जो सेवा करी,
निर्हेतूक प्रेम भावनांनी…
फुलेल,फळेल जीवन हे,
मातापित्या कृपाप्रसादानी…५
धनधान्य किती कमावले,
सोबत येत नसे सरणी…
“सुधाकरा” सांगे व्यवहारी,
करा शब्दें….” साखरपेरणी”…६
*सुधाकर भगवानजी भुरके आर्य नगर नागपूर*
*©सदस्य,मराठीचे शिलेदार समूह नागपूर*
♾️♾️♾️♾️✍️❣️✍️♾️♾️♾️♾️
*साखरपेरणी*
मुख्याध्यापक पदावर नवीन बाई आल्या
सर्वांनाच एका पारड्यात तोलू लागल्या…
फक्त कान उघडणी सगळ्यांची
मती काम करेना सर्व शिक्षकांची….
सर्व शिक्षक वेळेतच काम पूर्ण करतात
तरीही मुख्याध्यापक नुसते बोलतात…
फाडफाड बोलायचे सर्वांचे मन दुखवायचे
असे हे आता रोजच चालायचे….
मॅडम तुम्ही बोलण्यात साखरपेरणी ठेवा
तर चांगल्या कामाचा मिळेल तुम्हाला मेवा…
मॅडम काय सुधारणार आहे थोडी
चक्क सोडवायला घेतली त्यांनी कोडी….
सर्वांच्या बोलण्याकडे दुर्लक्ष केले
शिक्षकाकडून हवे तेच करून घेतले….
*वसुधा वैभव नाईक*
*धनकवडी, जिल्हा – पुणे*
*©सदस्य मराठीचे शिलेदार समूह*
♾️♾️♾️♾️✍️❣️✍️♾️♾️♾️
*साखरपेरणी*
प्रत्येक शब्दात तुझ्या
आई असे साखरपेरणी
तुझ्या मुखी नसते कधी
द्वेष, मत्सर, उणी, दुणी
कर्तव्यात ना कसूर करीत
झिजतेस तू कुटुंबासाठी
काटकसर तुझी असे सदैव
मुलांच्या सुखी भविष्यासाठी
रागातही तुझ्या गोडवा
वात्सल्य आणि जिव्हाळा
तुझ्यामुळे घराला घरपण
जपतेस तू सारा गोतावळा
साखरपेरणी दुज्यासाठी
शेजाऱ्यांशी सलोखा तुझा
नातेसंबंधातही आपलेपणा
असा प्रेमळ स्वभाव तुझा
*सौ.प्रतिमा नंदेश्वर चंद्रपूर*
*©सहप्रशासक मराठीचे शिलेदार समूह*
♾️♾️♾️♾️✍️❣️✍️♾️♾️♾️♾️
*साखर पेरणी*
काम महत्त्वाचं होतं
म्हणून येणं केलं
शीव ओलांडायला घराची
कोणाचं एवढं मोठं मन आलं
दोन तीन भांड्यांचा
मुठ मुठ धान्याचा
संसार काय संसार असतो
लक्तरे काय ती नेसतो
अन् लक्तरेच ओढतो
नाक खोचलं आहे
म्हणून जावं लागतं
पोरीच्या चुकीसाठी
जरा लहान व्हावं लागतं
गोड गोड बोलून
केली साखर पेरणी
परत ये एकदा घरी
हात जोडून केली विनवणी
मारून टाकाल मला ऐकून
वाटलं आताच इथे गाडावे
इज्जतीचे तुकडे तुकडे
नंतर कसे जोडावे
बघ चार गोणी धान्य
अन् तीन महिन्यांचा किराणा
धुमधडाक्यात लावीन लगीन
नाही कोणता बहाना
भूलली माझी बाय ती
साखर पेरणीत विरली
रात्रीनंतर मात्र ती
कुणाच नाही गावली
कुणाच नाही गावली
*कु.संगिता रामटेके/भोवते*
*साकोली,भंडारा*
*©सदस्या मराठीचे शिलेदार समुह*
♾️♾️♾️♾️✍️❣️✍️♾️♾️♾️♾️
*कृपया विजेत्यांनी संस्थेची सभासद नोंदणी भरूनच सन्मानपत्रासाठी आपली छायाचित्र मुख्य परीक्षक व प्रशासक सविता पाटील ठाकरे 96243 12560 यांना ५.०० पर्यंत पाठवावे.*
➿➿➿➿➰🎋➰➿➿➿➿
*साखरपेरणी*
बरबटलेल्या या समाजात
कशी करावी साखरपेरणी
किड्या मुंग्याप्रमाणे माणसं चिरडतात
कशाला माणूसकी वरकरणी
कुठून आणावा विश्वास
नराधम इथे उशाखालचे साप
हजारों गुन्हे करा म्हणे
वाचवायला आहे तुमचा बाप
अन्यायाविरुद्ध आवाज उठवण्या
कचरतात हो आज मने
उद्याची ग्वाही कोणी द्यावी
अन्याय अत्याचार हीच जिथे सणे
अत्याचारांच्या बाजूनेच
उभे राहणे सुरक्षित
नाही तर उद्या दिसणार नाहीत
मरण तुमचे आरक्षित
कलियुगात म्हणे असेच काही
होणार होते मानवासोबत
एका छताखाली आहे रहायचे
क्रुर अमानवी दानवांसोबत
हाती सत्ता हाती पैसा
गरीबांच्या नरड्यावर पाय
कोण घेणार दखल तरी
किती रडो धायमोकलून माय
समजेना सुरूवात कुठून करावी
होईल मग समाजपरिवर्तन
कशा घडवाव्यात पिढ्या
कसे बदलावे समाजवर्तन
*शर्मिला देशमुख -घुमरे, बीड*
*©सहप्रशासक मराठीचे शिलेदार समूह*
♾️♾️♾️♾️✍️❣️✍️♾️♾️♾️♾️
*साखरपेरणी*
अमानुषतेला देऊन छेद
माणुसकी जिवंत ठेवू या
विसरून सारे इथले भेद
आपण एक होऊ या ना
साखरपेरणी करू या ना
शब्दांची किमया साधू सारी
मनभेद मतभेद मिटवू या
छाटण्या मुळासकट द्वेषाची सूरी
प्रेमभाषा बोलू या ना
साखरपेरणी करू या ना
नवविचारांचे करण्या आदान प्रदान
नवनिर्माणाचा घेऊ या ध्यास
बुरसटलेल्या प्रथा परंपरांना
कायमची तिलांजली देऊ या ना
साखरपेरणी करू या ना
लक्तरे आया बहिणींच्या अब्रूची
वेशीला टांगली जाताहेत रोजच
नराधमांच्या मुसक्या आवळण्या
बंधुभगिनीभाव बिंबविण्या लढू या ना
साखरपेरणी करू या ना
आदर्श आपला देश नी संस्कृती
टिकवण्या वारसा भव्य दिव्य
नेस्तनाबूत करण्या इथली विकृती
सद्विचारांची रुजवण करू या ना
साखरपेरणी करू या ना
एकीची ताकद आहे हो मोठी
मानवतेच्या प्रतिष्ठापणेस्तव
आवळू या ना आपल्या वज्रमुठी
एवढ्या पुण्यकर्मास्तव पुढे येऊ या ना
साखरपेरणी करू या ना
साखरपेरणी करू या ना
*डॉ. पद्मा वाखुरे-जाधव, छत्रपती संभाजीनगर*
*©सदस्या, मराठीचे शिलेदार समूह*
♾️♾️♾️♾️✍️❣️✍️♾️♾️♾️♾️
*साखरपेरणी*
किती करू मी तुजसाठी
सांग अजून साखरपेरणी
हा असे गोडवा आतूनी गं
नव्हेच दिखावा वरकरणी.. //
आंतर्बाह्य फुलातच जशी
रंग,सुगंध, मकरंद भरणी
तसाच माझा शब्द भाव
अलग नसे कथनी करणी…//
मनमानी का तुझी सरेना
करूनी थकलो मनधरणी
मन तुझे मानेना अजूनही
काय कळेना अंतःकरणी.. //
चकोर होवूनी तुझ्यासाठी
गातोय कधीचा प्रितगाणी
तू चांदणरात तरी कळेना
माझी तुला व्याकुळ वाणी.. //
भुंगा होवून तुजभोवती मी
पिंगा घालतोय फुलराणी
कर्ण पाकळ्या खोल जरा
अन् ऐक ही कातर विराणी.. //
मनमित मानले तुलाच मी
ही भावगिताची आळवणी
रित जाणतो साधी सरळ
देईन जीवाची ओवाळणी.. //
*विष्णू संकपाळ बजाजनगर छ. संभाजीनगर*
*©सदस्य सहप्रशासक मराठीचे शिलेदार समूह*
♾️♾️♾️♾️✍️❣️✍️♾️♾️♾️♾️
*साखरपेरणी*
मतलबासाठी करती येथे
सारेच साखरपेरणी
स्वार्थासाठीच चालली
ही उघड बोलणी
कामापुरत्याच सार्यांना
येतात आपल्या आठवणी
गोड गोड बोलून मग
सुरू होते साखरपेरणी
आवळा देऊन हातावरी
काढून घेतील कोहळा
भावनाशून्य होऊन पुन्हा
करतील साजरा सोहळा
साखरपेरणी हल्ली दिसते
आताशा प्रत्येक नातेसंबंधात
कोणी कोणाचे नसते
दाखवतील एका क्षणात
हा साखरपेरणीचा खेळ
करतो कडवट नात्याला
सावध असावे क्षणोक्षण
नसावा थारा धूर्त वृत्तीला
*श्री.पांडुरंग एकनाथ घोलप*
*रोहोकडी,ता.जुन्नर, जि.पुणे*
*©सदस्य मराठीचे शिलेदार समूह*
♾️♾️♾️♾️✍️❣️✍️♾️♾️♾️♾️
*साखरपेरणी*
सोडून अबोला,
सुसंवाद असावा
मनी द्वेष, मच्छर,
संशय नसावा…१
कडूवाणी द्वेष
बोलण्यात नसावा
शब्द मधुर
साखरपेरणीत असावा…२
झरा आपुलकीचा
हृदयात असावा
दुःख सकलांचे
करणेत झरवा…३
गर्दीत माणसांच्या
माणूस शोधावा
मी तू पणाचा
कळस नसावा…३
विश्वची माझे घर
प्रेमाने म्हणावे
जीवनाच्या डगरीवर
साखरपेरीत जावे…४
साखरपेरणी,
मनामनात करावी
मधुर शब्दांनी
नाती जपावी…५
*श्री पैठणकर.के.आर, नाशिक*
*©सदस्य मराठीचे शिलेदार समूह*
♾️♾️♾️♾️✍️❣️✍️♾️♾️♾️♾️
*साखरपेरणी*
पुसू अश्रू डोळ्यांतले
गाऊ आनंदाची गाणी
हसू ओठावर येण्या
करु साखरपेरणी
घाम गाळूनि अंगाचा
खाऊ कष्टाची भाकर
नको दूजाभाव मनी
मारु गर्वाला ठोकर
असं आयुष्यात उगी
नको उठाठेव करु
साथ-संगत नेकीची
नको दुर्जनांची धरु
आई-बापाच्या चरणी
सारे तिर्थ दडलेलं
विठू-रखुमाई रूपं
राती स्वप्न पडलेलं
नको हव्यास मनी रे
धन प्रपंचाचा थोर
पाप-पुण्याची गणती
नसता जीवाला घोर
सदा आनंदी राहावे
अन् आनंदी जगावे
याच डोळ्यांनी रे सारे
समाधानाने बघावे
या दोन्ही हातानी सदा
दानधर्म रे घडावा
उभ्या आयुष्याला
हा एक रोग रे घडावा
*इंदुरवार बी.आर*.
*किनवट जि.नांदेड*
*©सदस्य मराठीचे शिलेदार समूह*
♾️♾️♾️♾️✍️❣️✍️♾️♾️♾️♾️
*साखरपेरणी*
तुम्ही किती छान दिसता
किती गोड बोलता तुम्ही
अहो कशाला म्हणावी ही
कळेना अशी साखरपेरणी
हरखून जातो साखरपेरणीने
भान कसे काहीच राहत नाही
क्षणिक मोहमायेच्या दुनियेत
उरले न संशयाचे जाळे काही
पण खरे सांगते बरं का ऐका
साखरपेरणीमध्ये अडकू नका
कारण दिसते तसे नसते काही
गोडीआडून करतात त्राही त्राही
*सौ.वैशाली उत्तम अंड्रस्कर,चंद्रपूर*
*कवयित्री/लेखिका*
*©सहप्रशासक/मुख्य परीक्षक/संकलक*
*©मराठीचे शिलेदार समूह*
➖➖➖➖🏆🏆🏆➖➖➖➖
*🌺सर्व विजेत्यांचे अभिनंदन* 🌺
*सर्व सहभागी काव्यस्पर्धकांचे मनःपूर्वक आभार.*🙏
➖➖➖➖🥀📌🥀➖➖➖➖
*🙏🏻संकलन / समूह प्रशासक🙏🏻*
*✒राहुल पाटील*
७३८५३६३०८८
*© मराठीचे शिलेदार कविता/चारोळी समूह*
➖➖➖➖🥀📌🥀➖➖➖➖
*🚩मराठी भाषा सक्षमीकरण एक ध्यास*
➖➖➖➖🥀📌🥀➖➖➖➖
