‘तितिक्षा इंटरनॅशनल सारख्या संस्थांमुळे राष्ट्रविकास घडतो’; डाॅ.मधुसूदन घाणेकर
वसुधा नाईक, पुणे प्रतिनिधी
‘तितिक्षा इंटरनॅशनल सारख्या संस्थांमुळे राष्ट्रविकास घडतो’; डाॅ.मधुसूदन घाणेकर
वसुधा नाईक, पुणे प्रतिनिधी
पुणे : (1 डिसेंबर): प्रतिनिधी: “गेली 10 वर्ष तितिक्षा इंटरनॅशनल ही संस्था सातत्याने राष्ट्रविकासाच्या कार्याला हातभार लावत आहे. महिलांचे सबलीकरण , बाल कल्याण, वंचित विकास, साहित्य – संस्कृती – कला- अशा विविध पातळीवर ही संस्था अविरतपणे काम करीत आहे. तितिक्षा इंटरनॅशनल सारख्या संस्थांमुळेच राष्ट्रविकास घडत आहे असे प्रतिपादन आंतरराष्ट्रीय कीर्तिचे विचारवंत, कलावंत आणि साहित्यिक डाॅ.मधुसूदन घाणेकर यांनी केले. ते तितिक्षा इंटरनॅशनल संस्थेच्या दशकपूर्ती सोहळ्याच्या उदघाटन प्रसंगी बोलत होते.
याप्रसंगी तितिक्षा इंटरनॅशनल संस्थेच्या संस्थापक अध्यक्ष प्रिया प्रमोद दामले, ज्येष्ठ सामाजिक कार्यकर्त्या मंदाताई नाईक, कर्नल विनायक अभ्यंकर, रंगकर्मी सतीश इंदापूरकर, ज्येष्ठ साहित्यिक म.भा.चव्हाण, वि.ग.सातपुते, भारतीय विचारधारा संस्थेच्या संस्थापक-अध्यक्ष भारती महाडिक, वर्ल्ड क्वीन बीज संस्थेच्या अध्यक्ष मधुकर्णिका सारिका सासवडे, वसुधा इंटरनॅशनल संस्थेच्या अध्यक्षा
वसुधा नाईक, महिला सन्मान
संस्थेच्या सचिव दीपाराणी गोसावी आदि मान्यवर उपस्थित होते.
तितिक्षा इंटरनॅशनल संस्थेच्या दशकपूर्ती सोहळ्याचे औचित्य साधून डाॅ.मधुसूदन घाणेकर संपादित विश्वविक्रमी डहाळी अनियतकालिकाच्या 599 व्या अंकाचे प्रकाशन करण्यात आले. या सोहळ्यातील काव्यसंमेलनात अरविंद देशपांडे, प्रा.शरदचंद्र काकडे, संगीता राजपूत, सुरेश सेठ, संगीता राजपूत, प्रतिभा पोतदार , डाॅ.अलका कुलकर्णी मनोहर वाळिंबे, विवेक जोशी, प्रकाश पाठक, हेमलता गीते, श्वेतांबरी भटकर, सुलभा गोगरकर आदिंच्या कवितांनी उत्स्फूर्त दाद मिळवली.
विविध गुणदर्शनाच्या कार्यक्रमात अजित कुंटे (कथाकथन), स्वाती दिवाण ( नाट्यछटा ), शंकर जाधव (दादा कोंडके यांचे किस्से )आदिंनी आपल्या अदाकरीतून रसिकांची मने जिंकली. सुवर्णा जाधव यांनी सूत्रसंचालन केले.
संस्था सचिव अजिता मुळीक, बालसचिव अजया मुळीक, पुरुषोत्तम कुंटे, दीपाराणी गोसावी, विजय सातपुते आदिंनी या सोहळ्याचे संयोजन केले. विविध पातळीवरील साहित्य विषयक स्पर्धेतील विजेत्यांचा प्रिया दामले यांच्या शुभहस्ते जाहीर सन्मान करण्यात आला. डाॅ.मधुसूदन घाणेकर यांनी उत्तरार्धात ‘सबकुछ मधुसूदन ‘ हा एकपात्री प्रयोग सादर केला.
