मनगाभारा; मोहिनी निनावे

मनगाभारा

मन आता मनासारखे अजिबात वागत नाही
तळ मनाची खोली किती सुगावा लागत नाही

तो देत नाही हवे तसे तेव्हा आपल्याला काही
म्हणून आता देवास मी पण काही मागत नाही

निघुन गेला मनातून कधी केव्हा कळले नाही
दगडाच्या मनगाभाऱ्यात आता देव जागत नाही

धाड कितीही आव्हाने नी होवू दे वार पाठीवर
निडर झाले हे मन तसे आता भेव लागत नाही

किती केले गऱ्हाणे जेव्हा मनगाभाऱ्यात होतास
तू ऐकले नाही काही नी आता मीही सांगत नाही

मोहिनी निनावे
आनंद नगर, नागपूर
===========

0 4 8 2 8 6