कवितानागपूरबीडमराठवाडामहाराष्ट्रविदर्भसाहित्यगंध
नयनबाण; शर्मिला देशमुख-घुमरे
0
4
8
2
8
4
नयनबाण
का हा पेटला वणवा
आग कुठून ती लागली
तुझ्या नयनातील ज्वालांनी
ही राई कशी भडकली
झुकलेले नयन तुझे
तोवर मती खुंटलेली
उचलता तू एक नजर
प्रश्नांची मालिका दाटलेली
एक कटाक्ष पुरे
घायाळ करण्या मजला
जागीच मी थांबलो
श्वास श्वासात अडकला
कुठून ही आली शक्ती
क्षणभरात विश्व दिसते
एका नजरेत तुझ्या
माझे जग सामावते
कैद मी तुझ्यात
अडकले तुझ्यात प्राण
कासावीस मी होतो
नको चालवू नयनबाण
शर्मिला देशमुख -घुमरे
केज रोड,जि.बीड
=========
0
4
8
2
8
4
