‘स्वातंत्र्यदिन ध्वजवंदन समारोह’, एकता- मणिपूर विशेषांक प्रकाशन
भारतीय संस्कृती संवर्धन संस्थेच्या वतीने आयोजित ध्वजारोहण समारोह
‘स्वातंत्र्यदिन ध्वजवंदन समारोह’, एकता- मणिपूर विशेषांक प्रकाशन
भारतीय संस्कृती संवर्धन संस्थेच्या वतीने आयोजित ध्वजारोहण समारोह
अमृता खाकुर्डीकर, पुणे
पुणे – १५ऑ (प्रतिनिधी) भारतीय संस्कृती संवर्धन संस्थेच्या वतीने आयोजित ध्वजारोहण समारोह ज्येष्ठ विचारवंत डॉ. कल्याणी नामजोशी यांच्या शुभहस्ते दि. 15 ऑगस्ट रोजी साजरा करण्यात आला. या प्रसंगी “एकता” मासिकाच्या मणिपुर विशेषांकाचे प्रकाशन करण्यात आले. यावेळी प्रमुख पाहुणे म्हणूनअखिल भारतीय पूर्व सैनिक सेवा परिषदचे अध्यक्ष , परमविशिष्ट सेवा पदकाने विभुषित एअर मार्शल प्रदीप बापट (निवृत्त) हे उपस्थित होते.
भारतमातेच्या प्रतिमेचे पूजन करून कार्यक्रमाचा शुभारंभ करण्यात आला. प्रमुख पाहुण्या डॉ. कल्याणी नामजोशी यांनी या प्रसंगी स्वातंत्र्य दिनाच्या अनुषंगाने चिंतनात्मक मांडणी केली. त्या म्हणाल्या, “श्रीरामाने त्रेतायुगात जी आदर्श राज व्यवस्था निर्माण केली आणि द्वापारयुगात श्रीकृष्णाने जी कर्मयोगाची शिकवण दिली त्यातून आजच्या युगातही देशभक्ती आणि कर्तव्य भावनेतूनच पुन्हा धर्म व नितीची प्रतिष्ठापना होऊ शकेल” प्रदीप बापट यांनी मणिपूरची सद्यस्थिती आणि ती सावरण्यासाठी सैन्याचे योगदान या विषयावर मनोगत व्यक्त करतानाच मणिपूरमध्ये कै. भैय्याजी काणे यांच्या “पूर्व विकास प्रताष्ठान” च्या शैक्षणिक कार्याचे कृतज्ञतापूर्वक स्मरण केले.
कार्यक्रमाचे प्रास्ताविक राजीव जोशी यांनी केले. भारतीय संस्कृती संवर्धन संस्थेतर्फे पुण्यातील विविध वसाहतींमध्ये चालणारे “बालगोकुलम” प्रकल्प आणि परदेशी शिक्षणास जाणाऱ्या विद्यार्थ्याना मदत करणारा “विश्व संपर्क विभाग” या दोन्ही सेवा कार्याची माहिती दिली. कसबा भाग संघचालक ॲड. प्रशांतजी यादव यांनीही या प्रसंगी मनोगत व्यक्त केले. कार्यक्रमाचे सूत्रसंचालन राजीव वाल्हेकर यांनी केले.
मोतीबागेत आयोजित या कार्यक्रमास “एकता” चे अध्यक्ष रवींद्र घाटपांडे, संपादक रुपाली भुसारी, अखिल भारतीय माजी सैनिक सेवा परिषदचे विविध पदाधिकारी, पूर्वसीमा विकास प्रतिष्ठानचे सर्व सदस्य, असोशिएशन ऑफ मणिपूरचे पुण्यातील कार्यकर्ते व विविध क्षेत्रातील मान्यवर या कार्यक्रमास उपस्थित होते. कल्याणमंत्राने कार्यक्रमाची सांगता झाली .
