बाबासाहेब नाजरे हायस्कूल व ज्युनिअर कॉलेज, आवासमध्ये पारितोषिक वितरण
तुषार थळे, अलिबाग प्रतिनिधी
बाबासाहेब नाजरे हायस्कूल व ज्युनिअर कॉलेज, आवासमध्ये पारितोषिक वितरण
तुषार थळे, अलिबाग प्रतिनिधी
अलिबाग: (दि. ३० डिसेंबर) येथील आवास सासवने धोकवडे रहिवासी हितवर्धक मंडळाच्या बाबासाहेब नाजरे हायस्कूल व ज्युनिअर कॉलेज, आवास मध्ये स्वर्गीय प्रभाकर सदाशिव राणे सभागृहात आ. सा. धो. रहिवासी हितवर्धक मंडळाचे खजिनदार सुवर्ण कांबळी यांच्या अध्यक्षते खाली वार्षिक पारितोषिक वितरण समारंभ संपन्न झाला.
सर्वप्रथम ईशस्तवन व स्वागत गीताने कार्यक्रमाची सुरूवात झाली. त्यानंतर मान्यवरांचे पुष्पगुच्छ देऊन यथोचीत स्वागत करण्यात आले. कार्यक्रमाचे प्रास्तविक मुख्याध्यापक / प्राचार्य अनिल दारकुंडे सर यांनी केले. स्नेहसंमेलन अध्यक्ष तथा शिक्षककेत्तर प्रतिनिधी गणेश राणे सर यांनी स्नेहसंमेलनच्या अहवालाचे तर आशिष राणे सर यांनी विद्यार्थी दिनाच्या अहवालाचे वाचन केले.
यानंतर विज्ञान प्रश्न मंजुषा स्पर्धेत यशस्वी झालेल्या विद्यार्थीनींना अगस्ता फाउंडेशन यांच्या तर्फे रोख रक्कमेचा धनादेश व प्रशस्ती पत्रक देऊन गौरविण्यात आले. त्यानंतर विद्यार्थी दिन, क्रीडा स्पर्धा, रांगोळी स्पर्धा, विविध गुणदर्शन कार्यक्रम, निबंध स्पर्धा व वक्तृत्व स्पर्धेतील यशस्वी विद्यार्थ्यांना तसेच सस्वयंसेवक म्हणून उत्कृष्टरीत्या काम करणाऱ्या विद्यार्थ्यांना मान्यवरांच्या हस्ते पारीतोषिके देऊन गौरविण्यात आले.
कार्यक्रमाला आ.सा.धो. रहिवासी हितवर्धक मंडळाचे उपाध्यक्ष जयंत चेऊलकर, खजिनदार सुवर्ण कांबळी, संथेचे माजी अध्यक्ष तथा शालेय समिती विद्यमान सभासद मोरेश्वर म्हसकर, धोकवडे केंदाचे केंद्र प्रमुख उमेश ठाकूर सर, विशेष साधन व्यक्ती विकास मुंडे सर, अगस्ता फाऊंडेशन रायगड जिल्हा समन्वयक रोहन म्हात्रे सर, धनंजय मुंगळे यांचे प्रतिनिधी संदीप भगत, बा.ना.हायस्कूल व ज्युनियर कॉलेज, आवासचे मुख्याध्यापक / प्राचार्य अनिल दारकुंडे सर, शिक्षक प्रतिनिधी सचिन भंडारे सर, स्नेहसंमेलन अध्यक्ष तथा शिक्षकेत्तर प्रतिनिधी गणेश राणे सर, स्नेहसंमेलन उपाध्यक्ष नथुराम म्हात्रे सर, सर्व शिक्षक, शिक्षकेतर कर्मचारी आणि विद्यार्थी उपस्थित होते.
कार्यक्रमप्रसंगी संस्थेचे उपाध्यक्ष जयंत चेऊलकर यांनी मनोगत व्यक्त केले व विद्यार्थ्यांना मार्गदर्शन केले. कार्यक्रमाचे सूत्रसंचलन सांस्कृतिक समिती प्रमुख अजित नाईक सर व आभार प्रदर्शन कैलास शिकारे सर यांनी केले. पारितोषिक वितरणाच्या कार्यक्रमा नंतर सर्व विद्यार्थ्यांना अल्पोपहाराचे वाटप करण्यात आले.
