0
4
8
2
8
4
सरत्या वर्षांला निरोप
रूसवे फुगवे सोडून सर्वाना
हसत हसत निरोप दयावा
31 डिसेंबर येतो जातो
उत्सव तो आठवणीत रहावा
तमा नसावी परतीची वा
पुढे जाण्याची भिती नसावी
शर्यतीत जरी मागे असलो
जिंकण्याची जिद्द असावी
कुणी कधी डिवचले जरी
कुणास न दुखविता तरी
करुन जावे बरेच काही
गहिवरून जावा तोही
आशा अपेक्षा जुन्या जरी
आठवणीच्या प्रवाहात वाहू
नव्याचे स्वागत करता करता
आठवणींना उजाळा देऊ
सरते वर्ष आठवता..
हुरहूर मनात दाटे गडे
नववर्षाचा सूर्य स्वागता
उभाच क्षितिजापलीकडे…
कुसुमलता दिलीप वाकडे
दिघोरी रोड, नागपूर
0
4
8
2
8
4
