वसुधा नाईक यांना आंतरराष्ट्रीय जीवन गौरव पुरस्कार प्रदान
वसुधा नाईक, पुणे
वसुधा नाईक यांना आंतरराष्ट्रीय जीवन गौरव पुरस्कार प्रदान
वसुधा नाईक, पुणे
पुणे: शहरातील ज्येष्ठ साहित्यिक, सामाजिक कार्यकर्त्या आणि वसुधा फौंडेशन यांना नुकताच युनिव्हर्सल गोल्डन क्रिएशन संस्थेतर्फ आंतरराष्ट्रीय कीर्तिचे विचारवंत, कलावंत आणि साहित्यिक डाॅ.मधुसूदन घाणेकर यांच्या शुभहस्ते युनिव्हर्सल गोल्डन क्रिएशन जीवन गौरव पुरस्कार प्रदान करण्यात आला.
याप्रसंगी काव्ययोग संस्थेचे संस्थापक, अध्यक्ष योगेश हरणे, राजयुवा प्रकाशनचे प्रकाशक गौरव पुंडे आणि युवा कार्यकर्त्या मयुरी लायगुडे उपस्थित होत्या. सेवानिवृत्तीनंतरही वंचित आणि दिव्यांगांसाठी योगदान देणा-या साहित्यिक वसुधा नाईक यांचे सामाजिक कार्य खरोखरच वाखाणण्यासारखे असून महिला सबलीकरणासाठी सातत्याने झटत राहणा-या नाईक यांच्या सारख्या कार्यकर्त्या दुर्मिळच ,या शब्दात डाॅ.मधुसूदन घाणेकर यांनी वसुधा नाईक यांचा गौरव केला.
वसुधा नाईक या युवा क्रांति संघटना,पोलिस मित्र, माहिती अधिकार, अन्याय, आत्याचार, भ्रष्टाचार यासाठी कार्यरत असून त्यांना नुकतेच राष्ट्रीय सल्लागार हे पद प्राप्त झाले आहे. तसेच अ. भा. म.सा. प. या वर पुणे विभागीय महिला उपाध्यक्ष म्हणून नेमणूक केली आहे.आणि महिला सन्मान संस्थेच्या उपाध्यक्ष आहेत.’गुंजन मनीचे’ व ‘शब्द फुलांची ओंजळ’ हे दोन काव्य संग्रह त्यांचे प्रकाशित आहेत.त्यांच्या ‘ रमाची पाटी ‘ लघुपटाच्या कथेला अनेक राष्ट्रीय-आंतरराष्ट्रीय पुरस्कार
प्राप्त झाले आहेत.’आईचे हळवे मन’ या लघुकथा संग्रहास नुकताच साहित्य गौरव पुरस्कार प्राप्त झाला आहे.
तसेच काव्ययोग संस्थेतर्फे उत्कृष्ट कथा संग्राह म्हणून पुरस्कार दिला.स्टार मेकर वर त्यांची शेकडो गाणी लोकप्रिय ठरलीआहेत. स्टोरीमिरर या वर त्यांचे लेख, कविता प्रसिद्ध होतात त्या साठी त्यांना भारतातून मराठी भाषेसाठी नं. दोनचा पुरस्कार मिळाला होता.वसुधा नाईक या आम्ही मुंबईकरच्या उपसंपादिका आहेत. तसेच शिक्षक ध्येय साप्ताहिकाच्या उपसंपादक, बिनधास्त बुलेटिनच्या पुणे प्रतिनिधी असून पुण्यात लवकरच वसुधा फौंडेशन तर्फे पहिली माध्यम परिषद आयोजित करत आहेत.
