0
4
8
2
8
4
निवडुंग
तो म्हणाला मनातलं
भेटवस्तू दे ना मला
जपेन आयुष्य भर
हृदयात ठेवीन त्याला
विचारात पडली ती
गुपचूप भेट झाली
हातात ठेवलं तिने
त्याची झोप उडाली
गेली निघून लगेच
होती ती घाईत फार
स्वारी खूष एकदम
आनंद त्याचा अपरंपार
पाहताच भेटवस्तू
दचकून झाला दंग
रंग गुलाबी उडाला
बघता तो निवडुंग
निवडुंग देण्याचं हीं
कारण आहेच खास
आठवण राही पण
स्पर्शाची नसेल आस
दुरूनच तूला प्रेम
अनुभवता येईल
भेट होणार नाहीच
हृदयात मात्र राहील.
सुषमा कळमकर
नागपूर
====
0
4
8
2
8
4
