0
4
8
2
8
4
चक्रव्यूह
रोज इथे हो नवा चक्रव्यूह
होतो माझा अभिमन्यू असा
किती प्रश्न ना उत्तर त्यांचे
विळखा अजगरी हा कसा?
महागाईने ताल सोडला
गरीबांना ना वाली उरला
बोलाची कढी भात बोलाचा
सत्ताधाऱ्यांकडे आता उरला
शैक्षणिक खर्चाचा डोंगर
कसे मुलांना शिक्षण द्यावे?
श्रीमंतांची का ही मक्तेदारी
सामान्यांनी काय करावे?
निसर्गाचा तोल बिघडला
प्रदूषणाचा कहरही झाला
अतिवृष्टी नी अवकाळीने
बळीच्या गळा तात लागला
जातीयतेचा वृक्ष विषारी
असमानतेची वाढली दरी
कलह,संशय माजले जगी
अत्याचारे त्रस्त या नारी
वृंदा(चित्रा)करमरकर
सांगली जिल्हा सांगली
0
4
8
2
8
4
