0
4
0
9
0
3
स्त्रीशक्तीचा जागर
नवरात्री, नवरात्री नारीशक्तीचा जागर रे,
देवी माझी, शक्ती माझी,प्रत्येक हृदयात जाग रे//धृ//
शैलपुत्री निर्धाराची,
संकटाशी करते लढाई,
स्त्री घडवी नवा इतिहास,
पहिली ज्वाला प्रगतीची कमाई//१//
तपशक्ती ब्रह्मचारिणीची,
नियम, संयम, ज्ञानाची वाट,
स्त्रीमनातील आत्मबळ जागे,
कन्या-विदुषी, उजळे शक्तीचा घाट//२//
चंद्रघंटेची गर्जना ऐक,
सत्याची मशाल हाती,
अन्यायाची घडी मोडुनी,
ज्वाळांत जळे असत्याची वाती//३//
कात्यायनी रणांगणात,
सिंहगर्जनेचा गगनी जागर,
अधर्म, शोषण, अन्याय तोडते,
स्वातंत्र्याचा उजळे सागर//४//
सिद्धिदात्रीची कृपा घेऊन,
नवदुर्गा उभी आज,
उत्सव नाही – जागृती ही,
ज्ञान-करुणेचा नवा आवाज//५//
उर्मिला गजाननराव राऊत
फ्रेंड्स कॉलनी नागपूर
0
4
0
9
0
3
