दमलात नाही का हो बाबा तुम्ही

दमलात नाही का हो बाबा तुम्ही

दमलात नाही का हो बाबा तुम्ही,
मला कधी कुशीवर, कधी खांद्यावर घेतांना,
माझा छोटा घोडा बनून खेळवतांना,
हसत-खेळत बालपण फुलवतांना.

दमलात नाही का हो बाबा तुम्ही,
रोज सकाळी ऑफिसला धाव घेतांना,
पण आधी मला शाळेत सोडून
एक प्रेमळ चक्कर लावतांना.

तुमचे श्रम, तुमचे त्याग
माझ्या सुखासाठी विसरतांना,
रात्रभर जागून भविष्याचा विचार
डोळ्यांतून स्वप्ने पेरतांना.

आजही वयाच्या उतरत्या वयात,
तुम्ही तितक्याच ताकदीने उभे आहात,
माझ्या प्रत्येक क्षणाला साथ देता,
सुख-दुःखाच्या प्रत्येक वळणावर उभे राहता.

बाबा, तुमच्या प्रेमाचं ओझं नाही कधी जाणवलं,
कारण ते सदैव आकाशासारखं विशाल, आणि समुद्रासारखं अथांग होतं…
खरंच, दमलात नाही का हो बाबा तुम्ही?

डॉ राजेश काळे ‘राजस’
ता. जिल्हा नागपूर

0 4 8 2 9 7