0
4
8
2
8
6
तडजोड
कर बाई कर तडजोड कर
माहेर सोडून सासर धरले
माझ्यासाठी मी तुलाच वरले
स्वप्ने माझी एका गाठीत बांधली
पंखांची आहुती सप्तपदीतच दिली
कर बाई कर तडजोड कर
सासु सुनेचे सूत्र जुळवले
समाधानाचे भाव न मिळवले
सुखात असल्याची ग्वाही दिली
मनातली कलहं मनातच राहिली
कर बाई कर तडजोड कर
तो म्हणाला तू माझीच ना
खरंच का हे?सख्या सांग ना
कसा सोडूवू गुंता मला समजेना
घायाळ पक्षाची शीळ तू तरी ऐक ना
कर बाई कर तडजोड कर
गप्पा झाल्या,माझ्यावर विनोदही झाले
उपहास झाला, व्यंगचित्रेही झाले
परि माझीच म्हणत कोणी न धावले
आसवे सारे पापण्यांतच लपवले
तरीही…. कर बाई कर तडजोड कर
अश्विनी आनंदराव जगदाळे
ता .केज, जि.बीड.
=========
0
4
8
2
8
6
