अलिबाग येथे ‘एक दिवस, एक तास, एक साथ’ स्वच्छता अभियानात रमले विद्यार्थी
तुषार थळे, प्रतिनिधी अलिबाग
अलिबाग येथे ‘एक दिवस, एक तास, एक साथ’ स्वच्छता अभियानात रमले विद्यार्थी
अभियानात जे. एस. एम. महाविद्यालयाच्या एन. एस. एस. स्वयंसेवकांचा सहभाग
तुषार थळे, प्रतिनिधी अलिबाग
बिनधास्त न्यूज नेटवर्क
अलिबाग (दि २५, रायगड): उच्च व तंत्र शिक्षण मंत्रालय, महाराष्ट्र शासन यांच्या परिपत्रकानुसार दिनांक 25 सप्टेंबर 2025 रोजी सकाळी 8:00 “एक दिवस एक तास एक साथ” हा स्वच्छता उपक्रम अलिबाग नगर परिषदेने महावीर चौक ते डॉ. बाबासाहेब आंबेडकर चौक अलिबाग बस स्थानक याठिकाणी आयोजित केला.
यामध्ये जे. एस. एम. महाविद्यालयाच्या राष्ट्रीय सेवा योजना विभागाचे स्वयंसेवक व राष्ट्रीय सेवा योजना कार्यक्रम अधिकारी डॉ. प्रविण गायकवाड, प्रा. अश्विनी आठवले, डॉ. पंकज घरत तसेच प्रा. प्रीती पाटील व प्राची वैद्य यांनी सहभाग घेतला.
या स्वच्छता मोहिमेत विदयार्थ्यांनी अलिबाग नगरपरिषद कर्मचाऱ्यांसोबत महावीर चौक, डॉ. आंबेडकर चौक व अलिबाग बस स्थानक याठिकाणी स्वच्छता केली. यामध्ये विद्यार्थ्यांनी प्लास्टिक बाटल्या, प्लास्टिक रॅपर्स व इतर कचरा संकलित केला व नागरिकांना ओला कचरा व सुका कचरा अलग करून स्वच्छता मोहिमेला पाठबळ द्यावे असे आवाहन केले.
जनता शिक्षण मंडळाचे अध्यक्ष मा. Adv. गौतमभाई पाटील यांनी विद्यार्थ्यांच्या या कार्याचे कौतुक केले व स्वच्छता अभियानास शुभेच्छा दिल्या. सदर स्वच्छता उपक्रम महाविद्यालयाच्या प्राचार्या डॉ. सोनाली पाटील व उप-प्राचार्य डॉ. प्रविण गायकवाड यांच्या मार्गदर्शनाखाली आयोजित करण्यात आला.
