0
4
0
9
0
3
तेव्हा तुला माझी आठवण येईल!
धावून धावून धावशील किती
हव तस कधी गवसणार नाय
मी दिलेले क्षण नसतील कुठेच
पश्चातापाने तेव्हा थबकतील पाय
तेव्हा तुला माझी आठवण येईल!
जावून जावून जाशील कुठवर
करून करून करशील काय
फसव्या मृगजळाच्या पाठी
सार आयुष्य तेव्हा वाया जाय
तेव्हा तुला माझी आठवण येईल!
आठवशील मला हर वळणावर
तेव्हा वाटेल तुला ईथ मीच हवाय
चार दिवसातच संपेल नाविण्य
अपुर्णच वाटेल तेव्हा माझ्या शिवाय
तेव्हा तुला माझी आठवण येईल!
माघारी वळतील पावलं तुझी
शोधत फिरशील मी कुठाय?
मिटल्या असतील पाऊलखुणा
शोधूनही मी सापडणार काय?
तेव्हा तुला माझी आठवण येईल!
अरविंद उरकुडे
जि.गडचिरोली
0
4
0
9
0
3
