चि.विं.जोशींचा विनोद आनंदाची अनुभूती देतो; प्राचार्य शाम भुरके’
अमृता खाकुर्डीकर, प्रतिनिधी पुणे
‘चि.विं.जोशींचा विनोद आनंदाची अनुभूती देतो; प्राचार्य शाम भुरके’
अमृता खाकुर्डीकर, प्रतिनिधी पुणे
पुणे.दि.24नोव्हें (प्रतिनिधी) विनोद हे मानवी बुध्दीला मिळालेले वरदान आहे. मराठी विनोदी साहित्य परंपरेत चि. वि. जोशी यांच्या विनोदी साहित्याने स्थान महत्वपूर्ण आहे. त्यांच्या निरागस स्वभावासारखाच त्यांचा विनोदही निरागस होता.
आमच्या विद्यार्थीदशेत असे साहित्य घरोघरी वाचले जात असे; आणि मला खात्री आहे,आजही वाचकांना ते तितकेच आनंददायी असल्याची अनुभूती मिळेल* असे प्रतिपादन प्राचार्य शाम भुरके यांनी विनोदी साहित्यिक चि.विं.जोशी यांच्या पुण्यस्मरण कार्यक्रमात प्रमुख पाहुणे म्हणून बोलताना केले. कथा भारती आणि उत्कर्ष प्रकाशन यांनी चि.वि. जोशी यांच्या ६१ व्या पुण्यतिथीस अभिवादन कार्यक्रम आयोजित केला होता. यावेळी .चि. विं. जोशींच्या साहित्याचे पूजन करण्यात आले.
कार्यक्रमाचे प्रास्ताविक निलिमा वाडेकर यांनी केले. सौ.गीता भुरके यांनी चि.वि.च्या साहित्यातील ” विसराळू प्राध्यापक” या मजकूराचे अभिवाचन केले. डॉ. अनुजा कुलकर्णी यांनी आभार मानले.याप्रसंगी सुधाकर जोशी, प्रदीप चंद्रचूड, दिप्ती चंद्रचूड इत्यादी मान्यवर आणि रसिक वाचक उपस्थित होते.
